ناجى انس يكتب قصه حبى

ناجى انس يكتب قصه حبى

قصه حب قديمه حاسسها

وانا سميتها قصه حبي

كان زمان مع نفسي عايشها

ذكري وساكنه جوه في قلبي

كنت زمان باحلم واتمني

وانالسه صغيّر حبيتها

طول اليوم اقعد استني

طلتها من ورا شباكها

كنت حاسسها كمان في الجو

حابب عاشق نسمه طيفها

كنت باحس بإحساس حلو

لما عنيه تروح وتشوفها

كل الحاره دابت في جمالها

من سحرها من كتر الشوق

عمرك شفت حاره بحالها

رايحه وجايه تبص لفوق

باحلم اسمع منّها همسه

واستنى يمكن تنادينى

فجأه ألقاها بصّت بصّه

وبتتلفت تلمح عينى

دالوقت اما افتكر الذكرى

أضحك ضحكة طفل بريئه

مانا مش عارف إن انا بكره

حلمى معاها حيبقى حقيقه




اترك رد